Albrail mori pjese ne Samitin e Ekselencës Hekurudhore qe u organizua nga Komuniteti i Transportit ne 21 Shkurt 2023 ne Prishtine.
Pjesëmarrësit në kete Samit theksuan se sfida kryesore për zhvillimin e transportit hekurudhor në Ballkanin Perëndimor është mungesa e burimeve njerëzore dhe nevoja urgjente për trajnime dhe edukim shtesë. Gjashtëdhjetë ekspertë hekurudhor, universitete dhe përfaqësues të qeverisë u mblodhën për të diskutuar se si të mbahen talentet në rajon dhe të nxisin inovacionin dhe zhvillimin teknologjik në sektorin hekurudhor.
Hapi tjetër do të jetë krijimi i Qendrës Rajonale të Ekselencës Hekurudhore. Qendra do të promovojë standardet dhe normat e BE-së në lidhje me sektorin hekurudhor, siç përcaktohet në ANEKS I të Traktatit të Komunitetit të Transportit. Për të nisur procesin e themelimit të Qendrës Rajonale të Ekselencës Hekurudhore, Albrail dhe trembëdhjetë kompani te tjera hekurudhore dhe institucione arsimore nënshkruan Memorandumin e Bashkëpunimit për Ekselencën Hekurudhore.
Operatorët rajonalë hekurudhor dhe institucionet akademike/arsimore morën pjesë në një panel diskutimi të fokusuar në përsosmërinë hekurudhore dhe integrimin e sistemit hekurudhor të Ballkanit Perëndimor në atë të BE-së. Për më tepër, Samiti ishte një forum për të përmirësuar axhendën e politikave dhe për të kontribuar për një transport hekurudhor më të sigurt, më efikas, të ndërveprueshëm, të dixhitalizuar, të qëndrueshëm dhe të gjelbër në rajon.
